На 58. седница на Советот за човекови права на Обединетите Нации што се одржа на 17. март 2025 г. во Женева, беше доставена заедничката изјава за Заштита на децата од родовата идеологија. Оваа изјава беше поддржана од над 70 организации од пет континенти, меѓу кои и Коалицијата за заштита на децата.
Во изјавата се вели следново:
Господине претседателе,
Како најранливи членови на општеството, децата заслужуваат непоколеблива грижа, заштита и поддршка. Наша колективна одговорност е да создадеме средина што ќе овозможи нивен целосен развој, притоа овозможувајќи го нивниот ментален и физички интегритет. Сепак, денеска во многу земји сеприсутното влијание на родовата идеологија го поткопува овој императив.
Под превезот на промовирање на различности и инклузивност, децата кои се наоѓаат во критична развојна фази се учат дека се родени во погрешно тело, влевајќи конфузија и емоционална вознемиреност наместо самопочит и прифаќање. Уште полошо, образовните институции активно ја спроведуваат или се вклучуваат во таканаречената „родова транзиција“ на децата, честопати без согласност или знаење на нивните родители.
Згора на тоа, во име на таканаречената „грижа што го потврдува родот“, ранливите деца кои чувствуваат непријатност со нивните тела избрзано се туркаат кон неповратниот пат на доживотна медикализација. Според широко дискредитираните стандарди за нега, се спроведуваат хемиски, па дури и хируршки процедури за осакатување, без да се земат предвид суштинските психолошки проблеми и документираните долгорочни ризици. Во меѓувреме, загрижените родители се заведени, емоционално уценети да дадат согласност или целосно исклучени од овие одлуки кои го менуваат животот.
Не може повеќе, господине Претседателе, овој Совет да молчи додека опстојуваат овие незамисливи злоупотреби!
Општество кое ги изложува децата на непоправлива штета, додека ги лишува родителите од нивната вистинска улога, не постапува во најдобар интерес на децата, туку тоа целосно ги изневерува. Ги повикуваме сите држави и Обединетите Нации веднаш да стават крај на оваа радикална агенда и да ѝ дадат приоритет на етичката грижа и грижата заснована на докази наместо на оваа отровна идеологија.
Иднината на нашите деца не бара ништо помалку.
Ви благодарам.
Во прилог, оригиналната писмена изјава и видео запис од презентацијата во Женева.
Comments